Հոլիվուդյան ժպիտի գաղտնիքները. Ինչպե՞ս ձեռք բերել անթերի և բնական ժպիտ MaryClinic-ում

17-10-26

Կիսվել

Գեղեցիկ ժպիտը ոչ միայն արտաքին տեսքի, այլև ինքնավստահության կարևոր բաղադրիչ է։ Հոլիվուդյան ժպիտը վաղուց այլևս չի նշանակում պարզապես չափազանց սպիտակ ատամներ։ Ժամանակակից ստոմատոլոգիայում դա բնական, ներդաշնակ և դիմագծերին համապատասխանող ժպիտ ստեղծելու համալիր մոտեցում է։

MaryClinic-ում ժպիտի վերականգնումը սկսվում է մանրակրկիտ պլանավորումից. հաշվի են առնվում ատամների ձևն ու գույնը, դեմքի առանձնահատկությունները և բուժառուի ցանկությունները։ Նպատակը գեղեցիկ արդյունքն է՝ առանց ժպիտի բնական տեսքը կորցնելու։

Ի՞նչ է ենթադրում Հոլիվուդյան ժպիտը

Հոլիվուդյան ժպիտը ատամների գույնի, ձևի, չափերի և դասավորության ներդաշնակ համադրություն է։ Այն կարող է ներառել կերամիկական կամ ցիրկոնե վինիրների տեղադրում, ատամների սպիտակեցում և, անհրաժեշտության դեպքում, այլ վերականգնողական միջամտություններ։
Յուրաքանչյուր ժպիտ անհատական է, ուստի բուժման ծրագիրը կազմվում է՝ ատամների, լնդերի և կծվածքի վիճակի գնահատմամբ, ինչպես նաև ձեր ակնկալիքները հաշվի առնելով։ Կարևոր է ոչ միայն էսթետիկ արդյունքը, այլև ատամների առողջությունն ու ֆունկցիոնալությունը։

Հոլիվուդյան ժպիտի ստեղծման գաղտնիքներն ու ուղիները

• Digital Smile Design (DSD) կամ թվային ժպիտի նախագծում։  Ժպիտի թվային մոդելավորումը ժամանակակից մեթոդ է, որը թույլ է տալիս նախապես տեսնել ապագա ժպիտը։ Լուսանկարների, ատամների սկանավորման և թվային պլանավորման շնորհիվ մասնագետը գնահատում է ատամների համամասնությունները և մշակում բուժման անհատական պլան։ 
  Այս տեխնոլոգիան թույլ է տալիս ավելի հստակ պատկերացնել սպասվող արդյունքը և անմիջականորեն մասնակցել ժպիտի ձևի ու գույնի ընտրությանը։
• Կերամիկական վինիրներ և ցիրկոնային շապիկներ։ Վինիրները բարակ կիսաշապիկներ են, որոնք ամրացվում են ատամների առջևի մակերեսին՝ դրանց գույնը, ձևը կամ չափերը շտկելու նպատակով։ Կերամիկական վինիրներն առանձնանում են բնական տեսքով, լույսի անդրադարձման հատկություններով և գունային կայունությամբ։
  Ցիրկոնե նյութերը նույնպես կարող են կիրառվել ատամների վերականգնման որոշ դեպքերում։ Վինիրի կամ վերականգնման այլ տեսակի ընտրությունը կատարվում է անհատապես՝ ըստ կլինիկական ցուցումների։
• Ատամների սպիտակեցում։ Եթե ատամների ձևն ու դիրքը բուժառուին բավարարում են, բայց ցանկություն կա ավելի բաց երանգ ունենալու, լուծումը կարող է լինել պրոֆեսիոնալ սպիտակեցումը։ Այն թույլ է տալիս սպիտակեցնել բնական ատամների գույնը՝ առանց վինիրների տեղադրման։ Սպիտակեցման հնարավորությունը որոշվում է ատամների և լնդերի վիճակը գնահատելուց հետո։ 

Ինչպե՞ս ունենալ Հոլիվուդյան ժպիտ Հայաստանում (MaryClinic-ում առաջարկվող ընթացակարգը)

MaryClinic-ում ժպիտի վերականգնման գործընթացը կառուցված է այնպես, որ արդյունքը լինի կանխատեսելի, իսկ ընթացքը՝ հարմարավետ։ Այն սովորաբար տևում է մոտ երկու շաբաթ՝ կախված կլինիկական իրավիճակից և լաբորատոր աշխատանքի ժամկետներից։

• Խորհրդատվություն և ախտորոշում։ Կատարվում են լուսանկարահանում, ռենտգեն հետազոտություն և ատամների թվային սկանավորում։
• Թվային նախագծում։ Ստացված տվյալների հիման վրա լաբորատորիայում թվային եղանակով նախագծվում է ապագա ժպիտը, որպեսզի նախապես տեսնեք սպասվող արդյունքը։
• Mock-up-ի փորձարկում։ Ատամների վրա տեղադրվում է ապագա ժպիտի ժամանակավոր մոդելը՝ mock-up-ը։ Այս փուլում կարող եք գնահատել ատամների ձևը, չափսերը և ժպիտի ընդհանուր տեսքը։
• Վինիրների պատրաստում։ Տարբերակը հաստատելուց հետո, ըստ ցուցումների, ատամները նախապատրաստվում են, վերցվում են անհրաժեշտ չափումները, և լաբորատորիայում պատրաստվում են անհատական վինիրները։
• Փորձնական և վերջնական տեղադրում։ Ստուգվում են վինիրների համապատասխանությունը, գույնը, ձևը և կծվածքը։ Եթե արդյունքը համապատասխանում է համաձայնեցված պլանին և բուժառուին ոչինչ չի անհանգստացնում, կատարվում է վերջնական ֆիքսացիան։

Հաճախ տրվող հարցեր

Ցավո՞տ է արդյոք վինիրների տեղադրման կամ ժպիտի վերականգնման գործընթացը։

Ո՛չ, վինիրների տեղադրումը ցավոտ չէ։ Բոլոր փուլերում, որտեղ դա անհրաժեշտ է, կիրառվում է տեղային անզգայացում, ուստի միջամտության ընթացքում բուժառուն կզգա միայն թեթև հպումներ և ճնշում։ 
Ատամների նախապատրաստումը, որն իրենից ներկայացնում է վինիրի համար բարակ էմալի  շերտի հղկում, կատարվում է նուրբ, նվազագույն անհրաժեշտ ծավալով։ Անզգայացման ազդեցությունը անցնելուց հետո մի քանի օր հնարավոր է թեթև զգայունություն տաք, սառը կամ քաղցր սննդի նկատմամբ։ Սա նորմալ երևույթ է և սովորաբար արագ անցնում է։ Եթե անհանգստությունը պահպանվում է կամ ուժեղանում, անհրաժեշտ է տեղյակ պահել բժշկին։ 

Որքա՞ն ժամանակ է ծառայում հոլիվուդյան ժպիտը (վինիրները/շապիկները)։

Ծառայության ժամկետը կախված է նյութի տեսակից, մասնագետի պրոֆեսիոնալ աշխատանքից, կծվածքից և ամենօրյա խնամքից։ Ճիշտ խնամքի և պարբերական ստուգումների դեպքում վինիրներն ու պսակները կարող են ծառայել տասնյակ տարիներ։ 

Կարո՞ղ եմ արդյոք ընտրել ինձ համար առավելագույնս բնական երանգ։

Այո՛։ Գույնն ընտրվում է անհատապես՝ հաշվի առնելով մաշկի երանգը, դեմքի առանձնահատկությունները, բնական ատամների գույնը և բուժառուի նախասիրությունները։