Ատամների վերականգնում (պրոթեզավորում) իմպլանտների վրա
Ատամների վերականգնում
Առողջ ժպիտը ապահովում է ոչ միայն գեղեցիկ տեսք, այլ նաև ինքնավստահություն։ Ատամների բացակայությունը կարող է ազդել ոչ միայն Ձեր արտաքին տեսքի, այլև Ձեր կյանքի որակի վրա. ծամելու ժամանակ անհարմարություն, խոսքի փոփոխություն, հարևան ատամների վրա ծանրաբեռնվածության անհավասարաչափ բաշխում: Ժամանակակից մեթոդներով ատամների վերականգնումը թույլ է տալիս արագ, արդյունավետ և առանց ցավի լուծել այս խնդիրները։
Բացակա ատամների վերականգնման ի՞նչ տեսակներ կան
Այսօր ստոմատոլոգիան առաջարկում է ատամների պրոթեզավորման մի քանի տարբերակներ՝ կախված կլինիկական դեպքից.
- Ֆիքսված անշարժ պրոթեզներ – պսակներ, կամրջաձև կոնստրուկցիաներ, վինիրներ: Իդեալական տարբերակ է, երբ բացակայում են մեկ կամ մի քանի ատամներ և պահպանված են հենարան հանդիսացող ատամները:
- Շարժական պրոթեզները հարմար են ատամների զգալի մասի բացակայության դեպքում: Ժամանակակից մոդելները հարմարավետ են, հուսալի և բնական տեսք են ապահովում:
- Իմպլանտացիան ամենաառաջադեմ տեխնոլոգիան է, երբ արհեստական արմատը (իմպլանտը) տեղադրվում է ոսկրի մեջ, իսկ դրա վրա տեղադրվում է պսակ։ Նման ատամը ոչնչով չի տարբերվում բնականից։
Ինչպե՞ս ընտրել ատամների պրոթեզավորման ճիշտ տարբերակ
Ատամների պրոթեզավորման օպտիմալ տարբերակն ընտրվում է անհատապես՝ բժշկի հետ խորհրդակցելուց հետո: Մասնագետը հաշվի է առնում Ձեր բերանի խոռոչի վիճակը, էսթետիկ նկատառումները, բյուջեն և այլ կարևոր գործոններ։
Մեր կլինիկայում օգտագործվում են միայն ժամանակակից տեխնոլոգիաներ և նյութեր, որոնք երաշխավորում են երկարակեցություն, էսթետիկա և հարմարավետություն։
Որո՞նք են լավագույն և հարմարավետ լուծումները
Եթե Դուք փնտրում եք ատամների պրոթեզավորման հարմար և արդյունավետ լուծումներ, ապա ատամնաբուժական իմպլանտները լավագույն ընտրությունն են: Նրանք ամբողջությամբ փոխարինում են բացակայող ատամներին, բնական տեսք են ապահովում և չեն առաջացնում դիսկոմֆորտ
- Հուսալիություն – պահպանվում է 20+ տարի
- Հարմարավետություն - ոչնչով չի տարբերվում բնական ատամներից
- Էսթետիկա - ապահովում է Ձեր ժպիտի հիանալի տեսքը
- Ֆունկցիոնալություն – թույլ է տալիս օգտագործել ցանկացած սնունդ
Ատամների անշարժ պրոթեզավորում իմպլանտների վրա
Այս մեթոդը ենթադրում է ոսկրային հյուսվածքի մեջ արհեստական արմատների (իմպլանտների) տեղադրում, որոնց վրա ամրացվում է մշտական պրոթեզ։ Ի տարբերություն շարժական կառուցվածքների՝ ֆիքսված շապիկները պետք չէ հեռացնել գիշերը կամ ուտելուց հետո. նրանք նման են բնական ատամներին և չեն առաջացնում խնդիրներ ծամելիս և խոսելիս:
Մեթոդի բժշկական ասպեկտները
- Իմպլանտը պատրաստված է տիտանից, որը տեղադրվում է ոսկրային հյուսվածքի մեջ և գործում որպես ատամի արմատ:
- 3-6 ամսից հետո տեղի է ունենում օստեոինտեգրացիա՝ իմպլանտի ինտեգրացիա ոսկրային հյուսվածքի մեջ:
- Այնուհետև տեղադրվում է մշտական պրոթեզ՝ պսակ, կամրջաձև կոնստրուկցիա կամ ամբողջական ատամնաշար։
Իմպլանտների վրա ֆիքսված շապիկների առավելությունները
- Ամուր ֆիքսացիա – շապիկն ամուր ամրացվում է իմպլանտներին և չի շարժվում խոսելիս կամ ծամելիս:
- Հարմարավետություն – չի դիտվում լնդերի գրգռում, ինչպես շարժական պրոթեզների դեպքում է լինում, «օտար մարմնի» զգացողության բացակայություն:
- Երկարակեցություն – պատշաճ խնամքի դեպքում ծառայում են 20+ տարի:
- Ոսկրային հյուսվածքի պահպանում – իմպլանտները կանխում են ծնոտի ատրոֆիան, որն առաջանում է ատամների բացակայության դեպքում:
- Գերազանց էսթետիկա – ժամանակակից նյութերը (կերամիկա, ցիրկոնիում) ապահովում են բնական տեսք:
- Ծանրաբեռնվածության բացակայություն հարևան ատամների վրա – ի տարբերություն կամրջաձև կոնստրուկցիաների՝ իմպլանտացիայի դեպքում չեն տաշվում հարևան ատամները:
Իմպլանտների վրա պրոթեզավորման տեսակները
- Իմպլանտի վրա մեկ պսակ – եթե բացակայում է մեկ ատամ, ապա այն կարող է փոխարինվել կերամիկական կամ ցիրկոնիումի պսակով 1 իմպլանտի վրա:
- Իմպլանտների վրա կամրջաձև կոնստրուկցիան կիրառվում է, երբ բացակայում են մի քանի ատամներ: Յուրաքանչյուր բացակայող ատամի փոխարեն իմպլանտի տեղադրման կարիք չկա. բավարար է տեղադրել մի քանի իմպլանտ, որոնց վրա ամրացվում է կամրջաձև կոնստրուկցիան:
- Ամբողջական ֆիքսված պրոթեզ (All-on-4, All-on-6) –լրիվ ադենտիայի դեպքում տեղադրվում են 4 կամ 6 իմպլանտներ, որոնց վրա տեղադրվում է ամբողջական ատամնաշար։ Սա շարժական պրոթեզների լավագույն այլընտրանքն է, քանի որ վերացնում է անհարմարությունը։
Ո՞ւմ է հարմար այս մեթոդը
- Մեկ կամ մի քանի բացակայող ատամների դեպքում:
- Ադենտիայի դեպքում, երբ շարժական պրոթեզները անհարմարություն են առաջացնում։
- Ամենաբնական արդյունք ցանկացողների համար։
- Նրանց համար, ովքեր ունեն բավարար ոսկրային հյուսվածք իմպլանտներ տեղադրելու համար (կամ նրանց համար,ում հնարավոր է ոսկրային հյուսվածքի փոխպատվաստում կատարել):
Իմպլանտների վրա ատամների պրոթեզավորման գները Հայաստանում
Իմպլանտների վրա ատամնաշարերի վերականգնումը Հայաստանում ստոմատոլոգիական բարձր չափանիշների և մատչելի գների համադրություն է։ Արժեքը կախված է իմպլանտների տեսակից, ատամնաշարի վիճակից և ընտրված շապիկների տեսակից։
Միջինացված արժեքները:
Իմպլանտ + աբաթմենտ+պսակ – սկսած $500-ից
Կամրջաձև կոնստրուկցիա իմպլանտների վրա – սկսած $1300-ից
Ամբողջական ատամնաշար (All-on-4, All-on-6) – սկսած $3200-ից
Հայաստանում բուժման առավելությունները.
- Եվրոպական որակ՝ մատչելի գներով
- Փորձառու բժիշկներ և ժամանակակից տեխնոլոգիաներ
Բուժումը ճանապարհորդության հետ համատեղելու հնարավորություն
- Գրանցվե՛ք խորհրդատվության, և մենք կգտնենք լավագույն լուծումը Ձեզ համար և կօգնենք վերադարձնել Ձեր ինքնավստահությունն ու գեղեցիկ ժպիտը։
