Իմպլանտացիա

Իմպլանտը մարդու ատամի արմատի արհեստական փոխարինիչն է՝ պատրաստված տիտանից։ Տիտանը մարդու օրգանիզմի հետ կենսահամատեղելի մետաղ է, որը տեղադրումից հետո շատ արագ սերտաճում է ոսկորին և չի առաջացնում ալերգիկ ռեակցիաներ։ Իմպլանտով վերականգնված ատամը բացարձակ չի տարբերվում բնական ատամից։

Ո՞րն է իմպլանտի առավելությունը

Իմպլանտի օգնությամբ հնարավոր է անշարժ շապիկներով

վերականգնել բացակա 1 ատամ՝ անվնաս թողնելով հարևան ատամները, ի տարբերություն կամրջաձև պրոթեզի, որի դեպքում տաշվում են հարևան 2 ատամները .
ամբողջությամբ վերականգնել անատամ ծնոտները.
ամուր ֆիքսել շարժական պրոթեզը:

«Ատամներ 1 օրում» բուժումը հնարավորություն է տալիս տեղադրել լրիվ անշարժ ատամնաշար անմիջապես իմպլանտացիայից հետո ՝ առանց ժամանակավոր շարժական պրոթեզների ու կրկնակի այցերի։
«All-on-4» մեթոդը ենթադրում է 4 իմպլանտների տեղադրում՝ ամբողջական ատամնաշարը ամրացնելու համար։ Սա արագ, հուսալի և էսթետիկ տեսանկյունից գրավիչ այլընտրանք է ավանդական պրոթեզավորմանը։
Կլինիկան առաջարկում է բուժման ճշգրիտ պլանավորում, ժամանակակից տեխնոլոգիաներ, ինչպես նաև «All-on-4» , «All-on-5» «All-on-6» և «Ատամներ 1 օրում» լուծումներ՝ վերականգնողական փուլի կարճ ժամկետով։

Խորհրդատվություն և բուժման պլանավորում

Առաջին այցի ժամանակ իրականացնում ենք այցելուի բերանի խոռոչի զննում, գնահատում ատամների, լնդերի, բերանի խոռոչի հիգիենայի վիճակը։ Կատարում ենք ներբերանային և պրոֆիլային լուսանկարներ։
Այնուհետև կլինիկայում իրականացվում է ծնոտների 3D (KT) ռենտգեն, որը հնարավորություն է տալիս

որոշել ծնոտների ոսկորի խտությունն ու ծավալը,
ընտրել ճիշտ չափսերով իմպլանտներ։

Մանրամասն պլանավորում ենք բուժումը՝ լուսանկարների, 3D ռենտգենի ուսումնասիրմամբ։