Հաճախ տրվող հարցեր

• Արդյո՞ք ատամի հեռացումը ցավոտ չէ, և արդյո՞ք երկար չի տևում արյունահոսությունը:
  Ժամանակակից ստոմատոլոգիայում տեղային անզգայացնող միջոցներն այնքան արդյունավետ են, որ դուք բացարձակապես ոչ մի ցավ չեք զգում ատամը հեռացնելու ժամանակ։ Ինչ վերաբերում է արյունահոսությանը, ապա հեռացումից անմիջապես հետո բժիշկը վերքի վրա դնում է ստերիլ թանզիֆե տամպոն, որը պետք է սեղմած պահել մոտ 10-15 րոպե։ Դրանից հետո արյունահոսությունը դադարում է։ Առաջին օրը թուքը կարող է մի փոքր վարդագույն երանգ ունենալ, ինչը լիովին բնական է և վախենալու չէ։
• Ի՞նչ է կարելի և ի՞նչ չի կարելի անել ատամը հեռացնելուց հետո:
  Որպեսզի վերքը արագ ու առանց բարդությունների լավանա, կարևոր է հետևել մի քանի պարզ կանոնների.
  Հեռացումից հետո մոտ 2-3 ժամ ոչինչ չպետք է ուտել։ 
  Այդ  օրը բերանը չի կարելի ողողել ջրով կամ ողողման այլ հեղուկով, որպեսզի լավացման համար կարևոր արյան մակարդուկը դուրս չգա։ 
  Մի՛ օգտագործեք տաք սնունդ կամ ըմպելիք և մի՛ զբաղվեք ծանր ֆիզիկական աշխատանքով։
  Կերե՛ք փափուկ, սենյակային ջերմաստիճանի սնունդ, սնունդը ծամե՛ք հակառակ կողմով։ Զգուշությամբ մաքրե՛ք ատամները։ Հետևե՛ք ձեր բժշկի ցուցումներին։
• Իմաստության ատամները հեռացնելը պարտադի՞ր է, թե՞ ոչ:
  Պարտադիր չէ, եթե դրանք առողջ են և չեն խանգարում։ Եթե իմաստության ատամը, որը նաև անվանում են 8-րդ ատամ, ճիշտ է դուրս եկել ատամնաշարում, ունի իր հակադիր՝ անտագոնիստ  ատամը մյուս ծնոտում, մասնակցում է ծամելուն և չի վնասում հարևան ատամները, այն կարող ենք պահպանել։ Բայց եթե այն ռետենցված կամ կիսածկթած է,այսինքն՝  թաքնված է լնդի տակ, սխալ ուղղությամբ է աճում, հրում ու ծռում է մյուս ատամները կամ դրա պատճառով հաճախակի բորբոքվում է լինդը, ապա հեռացումը դառնում է անհրաժեշտություն։