Համակարգչային տոմոգրաֆիա

Ի՞նչ է համակարգչային տոմոգրաֆիան (ԿՏ)

Ատամների համակարգչային տոմոգրաֆիան (ԿՏ) համարվում է ժամանակակից և բարձր ճշգրտությամբ ախտորոշիչ հետազոտություն, որն օգնում է մասնագետին ստանալ դիմածնոտային շրջանի մանրամասն եռաչափ պատկեր, ճշգրիտ գնահատել ատամների, ծնոտների և ոսկրային հյուսվածքների վիճակը և ընտրել բուժման ճիշտ ռազմավարությունը։

Հետազոտության ընթացքում սարքը մի քանի վայրկյանի ընթացքում սկանավորում է հետազոտվող հատվածը, իսկ ստացված տվյալների հիման վրա ստեղծվում է եռաչափ պատկեր։ Սա մասնագետին հնարավորություն է տալիս ավելի ճշգրիտ ախտորոշել առկա խնդիրները, գնահատել կլինիկական իրավիճակը և կազմել յուրաքանչյուր բուժառուի համար անհատական բուժման պլան։

Ատամների ռենտգենի և կատեի տարբերությունը

Թե՛ ռենտգեն հետազոտությունը, թե՛ համակարգչային տոմոգրաֆիան կարևոր դեր ունեն ստոմատոլոգիական ախտորոշման մեջ, սակայն դրանք տարբեր հնարավորություններ են տալիս։

Սովորական ռենտգենը տրամադրում է երկչափ (2D) պատկեր, որի վրա անատոմիական տարբեր կառուցվածքներ կարող են համընկնել՝ սահմանափակելով տեսանելիությունը։ Այդ պատճառով որոշ բորբոքային օջախներ, ոսկրային փոփոխություններ կամ ատամների արմատների առանձնահատկություններ կարող են ամբողջությամբ չարտացոլվել։

Ի տարբերություն դրա՝ համակարգչային տոմոգրաֆիայի (ԿՏ) ընթացքում սարքը պտտվում է բուժառուի գլխի շուրջ՝ ստանալով բազմաթիվ պատկերներ տարբեր անկյուններից։ Այնուհետև դրանք մշակվում են հատուկ ծրագրով և վերածվում բարձր ճշգրտությամբ եռաչափ (3D) պատկերի։ Սա մասնագետին հնարավորություն է տալիս մանրամասն գնահատել ատամների, ծնոտների, ոսկրային հյուսվածքների, նյարդային ուղիների և հարակից անատոմիական կառուցվածքների վիճակը։

Ատամների ԿՏ-ի հիմնական առավելություններն են.

եռաչափ (3D) պատկերների ստացում,
ոսկրային հյուսվածքի առավել մանրամասն գնահատում,
նյարդային ուղիների և անատոմիական կառուցվածքների հստակ պատկերում,
իմպլանտացիայի և վիրահատական միջամտությունների ավելի անվտանգ պլանավորում,
ավելի ճշգրիտ ախտորոշում բարդ կլինիկական դեպքերում։

Համակարգչային տոմոգրաֆիան չի փոխարինում սովորական ռենտգենին, հետազոտության ընտրությունը կատարվում է մասնագետի կողմից՝ հաշվի առնելով յուրաքանչյուր բուժառուի անհատական կլինիկական պատկերը։

Ե՞րբ է անհրաժեշտ դիմածնոտային տոմոգրաֆիան

Դիմածնոտային համակարգչային տոմոգրաֆիա նշանակվում է այն դեպքերում, երբ բուժման ճիշտ պլանավորման համար անհրաժեշտ է ստանալ առավել մանրամասն տեղեկատվություն։

Մասնագետը կարող է խորհուրդ տալ ԿՏ հետազոտություն, եթե նախատեսվում է.

ատամնային իմպլանտների տեղադրում,
իմաստության ատամների հեռացում,
օրթոդոնտիկ բուժում,
ծնոտների վիրաբուժական միջամտություն,
կիստաների կամ բորբոքային օջախների հայտնաբերում,
ոսկրային հյուսվածքի ծավալի գնահատում,
վնասվածքների կամ կոտրվածքների ախտորոշում։

Հետազոտությունն արագ է և հարմարավետ։ Սկանավորումը սովորաբար տևում է ընդամենը մի քանի վայրկյան, որի ընթացքում սարքը ստանում է տարբեր անկյուններից բազմաթիվ պատկերներ։ Այնուհետև դրանք միավորվում են մեկ եռաչափ պատկերում, որը բժիշկին հնարավորություն է տալիս մանրամասն ուսումնասիրել հետազոտվող հատվածը։

Ատամների կատե Երևանում

Եթե փնտրում եք, թե որտեղ կատարել ատամների ԿՏ (ՀՇ) Երևանում, կարևոր է ընտրել այնպիսի կլինիկա, որտեղ կիրառվում են ժամանակակից սարքավորումներ և հետազոտության արդյունքները գնահատվում են փորձառու մասնագետների կողմից։

ՄարիԿլինիկում համակարգչային տոմոգրաֆիան իրականացվում է բարձր ճշգրտությամբ սարքավորմամբ, որը հնարավորություն է տալիս ստանալ մանրամասն եռաչափ պատկերներ՝ բուժման ճիշտ պլանավորման համար։ Հետազոտությունն արագ է և հարմարավետ։

Եթե ձեզ հետաքրքրում է համակարգչային տոմոգրաֆիայի գնացուցակը, ապա հետազոտության արժեքը որոշվում է՝ կախված սկանավորման ծավալից։ ՄարիԿլինիկում ատամների ԿՏ-ի արժեքը կազմում է 9․000-ից մինչև 20․000 դրամ՝ կախված նրանից, թե հետազոտությունը ծնոտների որ հատվածներն է ընդգրկում։

Մեր մասնագետները խորհրդատվության ընթացքում կօգնեն ընտրել հենց այն հետազոտության տեսակը, որն անհրաժեշտ է ձեր կլինիկական իրավիճակի համար, և կտրամադրեն ամբողջական տեղեկատվություն ծառայության և արժեքի վերաբերյալ։

Ինչու՞ ընտրել ՄարիԿլինիկը ատամների ԿՏ-ի համար

Երբ խոսքը վերաբերում է Ձեր առողջությանը և գեղեցիկ ժպիտին, կարևոր է վստահել այն մասնագետներին, ովքեր համատեղում են փորձը, ժամանակակից տեխնոլոգիաները և անհատական մոտեցումը։
ՄարիԿլինիկում համոզված ենք, որ հաջող բուժման հիմքում ճշգրիտ ախտորոշումն է։ Այդ պատճառով ատամների համակարգչային տոմոգրաֆիան (ԿՏ) իրականացվում է իտալական Acteon X-Mind ֆիրմայի ժամանակակից սարքավորմամբ, որը թույլ է տալիս ստանալ բարձրորակ եռաչափ պատկերներ՝ բուժման ճիշտ պլանավորման համար։
Հետազոտության արդյունքները մանրակրկիտ ուսումնասիրվում են մեր մասնագետների կողմից, ինչը հնարավորություն է տալիս գնահատել յուրաքանչյուր կլինիկական դեպքի առանձնահատկությունները և ընտրել բուժման առավել արդյունավետ տարբերակը։
Մեր նպատակն է, որ յուրաքանչյուր բուժառու ստանա ոչ միայն ճշգրիտ ախտորոշում, այլև վստահություն, որ իր բուժումն իրականացվում է ժամանակակից տեխնոլոգիաների, ապացուցողական բժշկության սկզբունքների և մասնագիտական բարձր չափանիշների հիման վրա։

Գրանցվե’ք խորհրդատվության ՄարիԿլինիկում և սկսեք դեպի առողջ ու գեղեցիկ ժպիտի ճանապարհը։

Հաճախ տրվող հարցեր

«Կատե»-ն համակարգչային տոմոգրաֆիայի կամ համակարգչային շերտագրման անգլերեն հապավումն է (CT): Սա 3D եռաչափ ռենտգեն հետազոտություն է, որը բժշկին թույլ է տալիս տեսնել ձեր ծնոտների, ատամների արմատների 3D պատկերը, դրանց անատոմիական կառուցվածքն ու ոսկրային հյուսվածքը ցանկացած անկյունից և շերտով։ Ի տարբերություն սովորական 2D ռենտգենի՝ 3D ԿՏ-ն ցույց է տալիս ամբողջական ու անթերի պատկերը՝ առանց ստվերների ու սխալների։
Լիովին անվտանգ է և առողջության համար որևէ ռիսկ չի ներկայացնում։ Ժամանակակից ստոմատոլոգիական ԿՏ սարքերը աշխատում են նվազագույն ճառագայթմամբ։ Օրինակ՝ մեկ հետազոտության ժամանակ ստացած ճառագայթման չափաբաժինը մոտավորապես հավասար է այն քանակին, որը մարդը ստանում է սովորական ինքնաթիռով մի քանի ժամ թռչելիս:
Երևանի առաջատար կլինիկաներում և ախտորոշիչ կենտրոններում ատամների 3D համակարգչային տոմոգրաֆիայի արժեքը տատանվում է 9000-20000 դրամի սահմաններում՝ կախված նրանից, թե ծնոտի կամ ծնոտերի որ հատվածն է ներառում։