Ատամնաբուժական ներդիրները (inlay / onlay) ատամը վերականգնող միկրոպրոթեզներ են, որոնք կիրառվում են այն դեպքերում, երբ ատամը վնասված է կարիեսից կամ մեխանիկական քայքայումից, և սովորական պլոմբավորումը արդեն բավարար արդյունավետ չէ։ Ի տարբերություն սովորական պլոմբի, որով բժիշկը ատամը վերականգնում է  անմիջապես բուժառուի բերանի խոռոչում, ներդիրները պատրաստվում են լաբորատորիայում հատուկ թվային սարքավորման միջոցով՝ ըստ ատամի անհատական 3D սկանավորման և ճշգրտորեն համապատասխանում են ատամի ձևին։ Դրանք տեղադրվում են ատամի վնասված հատվածը վերականգնելու և նրա բնական ֆունկցիան ու տեսքը պահպանելու համար։

Ներդիրները կիրառվում են այն դեպքերում, երբ՝

✓ Ատամի մեծ մասը վնասված է, բայց դեռ հնարավոր է պահպանել այն

✓ Կարիեսը տարածված է, բայց չի հասել արմատին

✓ Անհրաժեշտ է ամուր և երկարաժամկետ վերականգնում

✓ Սովորական պլոմբավորումը կարող է չդիմանալ ծամողական ծանրաբեռնվածությանը

Ներդիրները կարելի է դասակարգել 2 հիմնական տեսակների՝ Inlay և Onlay։

Inlay-ն տեղադրվում է ատամի ներքին խոռոչում։ Այն օգտագործվում է, երբ վնասվածքը սահմանափակվում է միայն ատամի կենտրոնական մասով։ Onlay-ն ավելի լայն վերականգնում է։ Այն կիրառվում է, երբ ատամի վնասվածքը ավելի մեծ է։

Ատամնաբուժական ներդիրները հիմնականում պատրաստվում են երկու նյութերից՝ կերամիկայից և ցիրկոնից։ Երկու տարբերակներն էլ համարվում են ժամանակակից և հուսալի լուծումներ՝ ապահովելով թե՛ ֆունկցիոնալ, թե՛ էսթետիկ արդյունք։

✓ Բարձր էսթետիկ տեսք: Կերամիկական ներդիրները իրենց օպտիկական հատկություններով շատ մոտ են բնական ատամին, ունեն նման թափանցիկություն և բնական փայլ։

✓ Լավ գունային համապատասխանություն: Երանգը ընտրվում է անհատապես յուրաքանչյուր բուժառուի համար, ինչի շնորհիվ ներդիրը դառնում է գրեթե անտեսանելի։ 

✓ Կիրառություն: Հաճախ կիրառվում են տեսանելի հատվածներում, որտեղ առաջնային է բնական և էսթետիկ արդյունքը։ 

✓ Շատ բարձր ամրություն և դիմացկունություն: Ցիրկոնիումի օքսիդը չի ճաքում, չի մաշվում և չի փոխում իր գույնը նույնիսկ միջավայրի ագրեսիվ ազդեցության տակ (սննդի թթվայնություն, ջերմաստիճանի փոփոխություններ և այլն)։ 

✓ Երկար ծառայության ժամկետ: Ապահովում է ատամի ներքին շերտերի պաշտպանություն բակտերիաներից և ունի ավելի երկար կյանքի տևողություն՝ համեմատած այլ կոնստրուկցիաների հետ։ 

✓ Կիրառություն: Համարվում է իդեալական տարբերակ ծամողական բարձր ծանրաբեռնվածություն ունեցող հետին ատամների համար։ 

Բացի դրանից, հարմար է նաև մետաղների նկատմամբ ալերգիա ունեցող բուժառուների համար՝ շնորհիվ իր բարձր կենսահամատեղելիության։

ՄարիԿլինիկում ատամների վերականգնումը իրականացվում է ժամանակակից ստոմատոլոգիական մոտեցումներով՝ ապահովելով ինչպես ֆունկցիոնալ, այնպես էլ էսթետիկ բարձր արդյունք։

Կախված ատամի վնասման աստիճանից՝ մասնագետները ընտրում են անհատական բուժման տարբերակ․

✓ Փոքր խոռոչերի դեպքում՝ պլոմբավորում

✓ Միջին և մեծ խոռոչերիի դեպքում՝ ատամնաբուժական ներդիրներ (inlay / onlay)

✓ Ավելի բարդ դեպքերում՝ պսակով վերականգնում կամ համակցված բուժում

Բուժման ընթացքում կիրառվում են ժամանակակից տեխնոլոգիաներ և բարձր ճշգրտությամբ նյութեր, ինչը թույլ է տալիս վերականգնել ատամի բնական ձևը, ամրությունը և գեղեցիկ տեսքը։

Երևանում ատամների վերականգնում իրականացնելու համար ՄարիԿլինիկն առաջարկում է անհատական մոտեցում, բարձր որակ և երկարաժամկետ արդյունք։

Մեզ մոտ ատամնաբուժական ներդիրների արժեքը սկսվում է 95․000 դրամից։ Հստակ արժեքը որոշվում է խորհրդատվության արդյունքում։

ՄարիԿլինիկի նպատակն է ոչ միայն վերականգնել վնասված ատամը, այլ նաև ապահովել երկարաժամկետ առողջություն և բնական, վստահ ժպիտ։
Մեզ մոտ բուժումն իրականացվում է ժամանակակից ստոմատոլոգիական մոտեցումներով՝ համադրելով բարձր ճշգրտություն, որակյալ նյութեր և անհատական մոտեցում յուրաքանչյուր բուժառուի նկատմամբ։

Յուրաքանչյուր դեպք դիտարկվում է առանձին, և բուժման պլանը կազմվում է՝ ելնելով ատամի վիճակից ու բուժառուի կարիքներից։ Մենք ուշադրություն ենք դարձնում ոչ միայն խնդրի վերացմանը, այլ նաև պատճառների ճիշտ գնահատմանը, որպեսզի արդյունքը լինի կայուն և երկարաժամկետ։

ՄարիԿլինիկում մեծ կարևորություն է տրվում թե՛ բուժման ընթացքում հարմարավետությանը, թե՛ վերջնական էսթետիկ արդյունքին։ Մեր նպատակն է ստեղծել բնական, գեղեցիկ և առողջ ժպիտ, որը կպահպանվի տարիների ընթացքում։

Զանգահարեք մեզ՝ անհատական խորհրդատվության համար և ընտրեք Ձեր ատամների բուժման լավագույն տարբերակը։