Ատամների սպիտակեցում, տեսակները
Ատամների սպիտակեցման մեթոդները
Ատամների սպիտակեցումը ներառում է մի քանի մեթոդներ, որոնք լինում են պրոֆեսիոնալ և տնային։ Ատամնաբուժարաններում ատամների սպիտակեցումը կատարվում է պրոֆեսիոնալ մեթոդով։ Ստորև կներկայացնենք դրա ենթատեսակները..
1. Քիմիական սպիտակեցում
Այս մեթոդով ատամների սպիտակեցումը արագ և արդյունավետ լուծում է: Կիրառվում է բարձր խտության գել։ Արդյունքը նկատելի է արդեն մեկ այցից հետո: Պրոցեդուրայից հետո կարող է դիտվել թեթև դիսկոմֆորտ։
2. Լազերային սպիտակեցում
Համարվում է ժամանակակից մեթոդ. լազերի միջոցով ակտիվանում է գելը, որը ատամներին տալիս է սպիտակեցնող էֆեկտ: Հարմար է զգայուն ատամներով բուժառուների համար (նվազագույն ազդեցություն ատամի էմալի վրա), սակայն կա զգայունության կարճաժամկետ բարձրացման հավանականություն:
3. Ֆոտովիբրացիոն (Zoom)
Օգտագործվում է լամպ, որն ակտիվացնում է սպիտակեցնող նյութը։ Գործընթացը տևում է մոտ մեկ ժամ և տալիս է տեսանելի արդյունք։
4. Ուլտրաձայնային
Այստեղ շեշտը դրված է ոչ միայն սպիտակեցման, այլ նաև փառի և ատամնաքարերի հեռացման վրա։ Ուլտրաձայնը ոչնչացնում է պիգմենտները և նստվածքները՝ վերադարձնելով բնական գույնը։
5. Համակցված
Սկզբում կատարվում է խորը սպիտակեցում, այնուհետև բուժառուին տնային օգտագործման համար տրվում են սպիտակեցնող գելով անհատական էլայներներ։ Այս մոտեցումը տալիս է երկարաժամկետ ազդեցություն։
6. Տնային սպիտակեցում ատամնաբույժի հսկողության ներքո
Սա տարբերակ է նրանց համար, ովքեր կնախընտրեն ատամների սպիտակեցում կատարել տանը՝ ատամնաբույժի հսկողության ներքո։ Այս դեպքում ատամնաբույժը պատրաստում է հատուկ միջոցներ և ցուցումներ տալիս ցածր կոնցենտրացիայով սպիտակեցնող գելի օգտագործման վերաբերյալ:
Մեթոդի ընտրությունը կախված է ատամների վիճակից, ցանկալի արդյունքից և բյուջեից։
Ո՞րն է ատամների սպիտակեցման ամենաէֆեկտիվ մեթոդը
Ատամների սպիտակեցման ամենաարդյունավետ մեթոդը, ըստ վիճակագրության և կլինիկական ուսումնասիրությունների, համարվում է լազերային սպիտակեցումը և Zoom տարբերակը։ Դրանց արդյունավետությունը հաստատվում է նվազագույն ժամանակում ատամների սպիտակեցման բարձր աստիճանով։ Այնուամենայնիվ, մեթոդի ընտրությունը կախված է նաև բուժառուի ատամների վիճակից և առանձնահատկություններից:
Ինչու՞ է լազերային սպիտակեցումը առաջատար
- Արդյունքներ
Ընդամենը 1 սեանսում սպիտակեցնում է ատամները 6-12 երանգով:
- Արագություն
Պրոցեդուրան տևում է մոտ 1 ժամ։
- Անվնաս ազդեցություն
Լազերը ակտիվացնում է գելը միայն ատամի մակերեսին՝ նվազագույնի հասցնելով լնդերի և էմալի վնասումը:
Zoom տեխնոլոգիա. ինչո՞ւ է այն արդյունավետ
- Արդյունքներ
Սպիտակեցում 6-8 երանգով մեկ պրոցեդուրայո:.
- Բազմակողմանիություն
Հարմար է բուժառուների մեծամասնության համար:
- Ազդեցության տևողությունը
Եթե հետևեք խորհուրդներին, ապա արդյունքը կպահպանվի մինչև 1-3 տարի:
Որո՞նք են ատամների սպիտակեցման մինուսները
Ատամների սպիտակեցում. պլյուսներ և մինուսներ
Ատամների սպիտակեցումն ունի բազմաթիվ առավելություններ, որոնք այն դարձնում են արդյունավետ ընտրություն ձեր արտաքին տեսքն ու ինքնավստահությունը բարելավելու համար: Սպիտակ, պայծառ ժպիտը զգալիորեն բարձրացնում է ինքնագնահատականը, օգնում սոցիալական և մասնագիտական կյանքում, իսկ ժամանակակից մեթոդները թույլ են տալիս կարճ ժամանակում նկատելի արդյունքների հասնել։
Այնուամենայնիվ, սպիտակեցումն ունի նաև իր թերությունները: Ստորև մենք կթվարկենք բոլոր հիմնական թերությունները.
1. Զգայունության բարձրացում
Պրոցեդուրայից հետո էմալը կարող է զգայուն դառնալ սառը և տաք սննդի նկատմամբ։ Այս վիճակը սովորաբար ժամանակավոր է:
2. Ժամանակավոր ազդեցություն
Սպիտակեցման արդյունքները տևում են 6 ամսից մինչև 3 տարի, բայց կարող են կրճատվել՝ սուրճի, թեյի, գինու և ծխելու հաճախակի օգտագործմամբ պայմանավորված:
3. Էմալի վնասում
Սխալ մեթոդ ընտրելու կամ հաճախակի սպիտակեցման դեպքում էմալը կարող է բարակել, ինչը մեծացնում է կարիեսի և ատամնաբուժական այլ խնդիրների վտանգը։
4. Սահմանափակումներ և հակացուցումներ
Գործընթացը չի կարող իրականացվել հղիության, լակտացիայի շրջանում, այդ թվում՝ եթե ունեք կարիես, լնդաբորբ կամ բարակ էմալ:
5. Արժեքը
Պրոֆեսիոնալ բուժումը կարող է թանկարժեք լինել, հատկապես՝ լազերային սպիտակեցումը:
6. Անհավասար արդյունք
Պլոմբաները, պսակները և վինիրները չեն սպիտակեցվում, ինչը կարող է հանգեցնել ատամների անհավասար սպիտակեցման՝ դրանց առկայության դեպքում:
Ի վերջո, ատամների սպիտակեցումը ձեր ժպիտի տեսքը բարելավելու արդյունավետ միջոց է, բայց դա պետք է արվի գիտակցաբար, բոլոր դրական և բացասական կողմերը հաշվի առնելուց հետո և խորհրդակցելով ձեր բժշկի հետ:
Որքա՞ն է կազմում ատամների սպիտակեցման արժեքը Երևանում
Ատամների սպիտակեցման արժեքը համաշխարհային շուկայում տատանվում է միջինը 300-500$-ի սահմաններում՝ կախված մեթոդի ընտրությունից: Ի համեմատ ԱՄՆ-ի և Եվրոպական երկրների, Ասիական երկրներում ատամների սպիտակեցումը 30-40%-ով մատչելի է և որակը մնում է բարձր մակարդակների վրա: Երևանում ատամների սպիտակեցման միջին արժեքը կազմում է 100-400$:
