Ատամների իմպլանտացիա․ միֆեր, որոնց պետք չէ հավատալ
Միանգամից ամենակարևոր հարցը՝ ի՞նչ է իմպլանտը։ Ատամնային իմպլանտը ունի կոնաձև կառուցվածք, պատրաստված է օրգանիզմի համար կենսահամատեղելի տիտանի համաձուլվածքից: Իմպլանտի առանձնահատկությունն այն է, որ մարդու օրգանիզմն այն որպես օտար մարմին չի ընկալում և չի վանում: Տեղադրվում է հեռացված ատամի կամ ատամների տեղում։ Ինչպես գիտենք, ատամների իմպլանտացիան վերականգնում է ինչպես ատամների ֆունկցիոնալությունը, այնպես էլ էսթետիկ տեսքը։ Չնայած իմպլանտների լայն տարածմանը և կիրառմանը՝ այս բուժման շուրջ կան բազմաթիվ միֆեր և սխալ պատկերացումներ։ Այդ ամենին զուգահեռ այս բուժումը հաջողություն է գրանցում։ Այս անգամ մենք կծանոթանանք ատամնաբուժական իմպլանտների վերաբերյալ ամենատարածված առասպելներին և կբացահայտենք դրանց հետևում եղած ճշմարտությունը։ Միֆ 1 Բոլոր իմպլանտները հավասարաչափ են։ Ո՛չ, դա այդպես չէ։ Իմպլանտներն ունեն շատ տեսակներ, և դրանցից յուրաքանչյուրն ունի իր առանձնահատկություններն ու առավելությունները։ MaryClinic ատամնաբուժական կլինիկայում առկա է հատուկ թվային ներբերանային սկաներ։ Ատամնաբույժը դրա օգնությամբ սկանավորում է այցելուի բերանի խոռոչը և հետազոտությունների արդյունքի հիման վրա կատարվում է իմպլանտացիայի համակարգչային պլանավորում։ Այդպիսով, բժիշկը հաշվի է առնում իմպլանտների քանակը, չափսերը և այլ գործոններ։ Այդ իսկ պատճառով չեն կարող բոլոր իմպլանտները ստեղծված լինել հավասարաչափ։ Ամեն անգամ ատամնային իմպլանտների մասին տեղեկատվություն լսելիս կարևորե՛ք հավաստի ինֆորմացիան և ատամնաբույժի հետ խորհրդատվությունը, որը կարող է տալ հավաստի տեղեկատվություն և առաջարկել օպտիմալ և արդյունավետ ատամնաբուժական լուծում։ Միֆ 2 Մեկ այլ տարածված միֆ է, որ ատամնային իմպլանտները նախատեսված են միայն տարեցների համար։ Անկախ նրանից, դուք կորցրել եք ատամը վնասվածքի, կարիեսի, թե բնածին գործոնների պատճառով, ատամնային իմպլանտները առաջարկում են երկարաժամկետ լուծում, որը կարող է վերականգնել ձեր ատամնաշարը անկախ ձեր տարիքից։ Իրականում երիտասարդները կազմում են ատամների իմպլանտացիա բուժումը ընտրողների զգալի մասը՝ իրենց ընդհանուր առողջության և ամուր ոսկրային կառուցվածքի շնորհիվ։ Ատամի կորուստը տարիքի հետ ավելի տարածված է դառնում։ Բոլոր տարիքի այցելուները կարող են օգտվել այս բուժման տեսակից։ Միակ պահանջն է լինել 18 տարեկանից բարձր։ Միֆ 3 Ատամնային իմպլանտների մասին ամենաքննարկված միֆերից մեկն այն է, որ իմպլանտային վիրահատությունը ցավոտ է և ռիսկային։ Իրականում իմպլանտացիան անվտանգ, անցավ և արդյունավետ բուժում է, որը իրականացվում է տեղային անզգայացումով՝ այցելուին չպատճառելով անհանգստություն։ Ատամնաբուժական տեխնիկայի և տեխնոլոգիայի առաջընթացի շնորհիվ իմպլանտացիայով բուժումը ավելի արագ, ճշգրիտ և ավելի քիչ ինվազիվ է։ Իմպլանտացիան կարող է նույնիսկ իրականացվել մեկ օրում՝ ապահովելով նաև շապիկի տեղադրումը։ Վիրահատությունից հետո թեթև անհանգստությունը և այտուցը նորմալ է։ Այցելուների մեծ մասը իմպլանտացիայից հետո համոզվում է, որ ատամնային իմպլանտների առավելությունները ավելի շատ են, քան ցանկացած ժամանակավոր անհանգստությունը։ Հիշե՛ք նաև պատշաճ խնամքի և պահպանման մասին։ Հետևողական լինելը իմպլանտների հաջողության մակարդակը բարձրացնում է գրեթե 95%-ով՝ դրանք դարձնելով ատամի փոխարինման ամենաարդյունավետ տարբերակը։ Միֆ 4 Այցելուներից ոմանք կարող են ունենալ որոշակի հիվանդություններ, որոնց առկայության դեպքում իմպլանտացիան հակացուցված է։ Այդ հիվանդություններից են տուբերկուլյոզը, մի շարք քրոնիկական հիվանդությունները, արյան, նյարդային և ոսկրային համակարգի հիվանդությունը, ծանր շաքարային դիաբետը և այլն։ Այդ իսկ պատճառով նախքան բուժումն սկսելը նախապես խորհրդակցե՛ք ձեր ատամնաբույժի հետ։ Ատամնաբույժը հետազոտությունների արդյունքում առողջական վիճակի եզրակացությամբ կկայացնի որոշում՝ արդյոք ձեզ հակացուցվա՞ծ է իմպլանտացիան, թե՞ ոչ։ Ըստ անհրաժեշտության իմպլանտոլոգը Ձեզ կուղղորդի իրականացնելու որոշ հետազոտություններ։ Կարևորե՛ք նաև արյան հետազոտութունը։ Հիշե՛ք, որ յուրաքանչյուր հետազոտություն կարևոր է։ Բուժումը սկսելուց նաև համոզվեք, որ ձեր իմունային համակարգը բարձր է։ Եվ վերջում․․․ MaryClinic-ի թիմի հետ ձեզ մոտ հաղթահարվում են այս միֆերը, վերանում են ձեր վախերը, և այդպիսով դուք կարողանում եք տեղեկացված որոշումներ կայացնել ձեր բերանի խոռոչի առողջության վերաբերյալ։ Մտերիմների խորհուրդները լսելու փոխարեն կարևորե՛ք որակավորված ատամնաբույժի հետ խորհրդակցելը, որովհետև դա առաջին քայլն է առողջ ատամնաշար և գեղեցիկ ժպիտ ձեռք բերելու համար, որը կարող է պահպանվել ամբողջ կյանքում։Բոլոր տեսակի ատամնաբուժական իմպլանտները նույնն են
Ատամների իմպլանտացիան միայն տարեցների համար է
Ատամների իմպլանտացիան ցավոտ է և վտանգավոր
Իմպլանտացիայի հակացուցումներ չկան
