Անշարժ պրոթեզներ իմպլանտների վրա. ու՞մ է համապատասխանում, դրական և բացասական կողմերը

07-02-25

Կիսվել

Իմպլանտների վրա ատամների պրոթեզավորումը ժամանակակից և հուսալի միջոց է բացակայող ատամների տեսքը վերականգնելու համար: Ի տարբերություն ավանդական պրոթեզների` այս դեպքում շապիկներն ամրացվում են իմպլանտների վրա, որն ապահովում է բնական տեսք, հարմարավետություն և ամրություն։

  Ու՞մ է հարմար պրոթեզավորումը իմպլանտների վրա 

  Ատամների վերականգնման այս մեթոդը խորհուրդ է տրվում հետևյալ դեպքերում.

• Մեկ կամ մի քանի ատամների բացակայություն, ներառյալ ադենտիա (ատամների լիովին բացակայություն)
• Շարժական պրոթեզների թերի ամրացում (եթե ավանդական պրոթեզներն անհանգստություն են առաջացնում կամ վնասում լնդերը)
• Երկարակյաց և էսթետիկ լուծում՝ առանց պրոթեզն ամեն օր հեռացնելու անհրաժեշտության
• Առողջական հակացուցումների բացակայություն (օրինակ՝ ոսկրային ծանր հիվանդություններ կամ չվերահսկվող շաքարային դիաբետ)

  Մեթոդի առավելությունները

• Հուսալի ամրացում – ի տարբերություն շարժական պրոթեզի՝ շապիկները չեն շարժվում ծամելիս կամ խոսելիս։
• Առավելագույն հարմարավետություն – առանց լնդերի վնասման կամ անհարմարության, ինչպես շարժական պրոթեզների դեպքում է լինում։
• Բնական տեսք – ատամնաշարը բնական ատամների տեսքն ունի:
• Ոսկրային հյուսվածքի պահպանում – իմպլանտները կանխում են ոսկորի ատրոֆիան, որը տեղի է ունենում ատամների բացակայության դեպքում:
• Երկարակեցություն – պատշաճ խնամքի դեպքում դրանք կծառայեն տասնամյակներ:

  Հնարավոր թերություններ

• Գին – մեթոդը ավելի թանկ է, քան ավանդական պրոթեզները, բայց այն արդարացնում է իրեն՝ իր առավելությունների շնորհիվ:
• Գործընթացի տևողություն – ժամանակ է պահանջվում իմպլանտների տեղադրման և ինտեգրման համար (մի քանի ամիս):
• Բժշկական սահմանափակումների առկայություն – ընթացակարգից առաջ անհրաժեշտ է մասնագետի խորհրդատվություն:

 Իմպլանտների միջոցով ատամների վերականգնումը լավագույն ընտրությունն է բացակա ատամների համար, որի գինը արդարացնում է սպասելիքները։

Անշարժ ատամնաշար 4 իմպլանտների վրա

Ատամնաշարը վերականգնելու նորարարական մեթոդ, որի դեպքում ատամներն ամբողջությամբ ամրացվում է չորս իմպլանտների վրա։ Այս մեթոդը հարմար է ամբողջական ադենտիա (ատամների լիովին բացակայություն) ունեցող բուժառուների համար և թույլ է տալիս վերականգնել էսթետիկան և ծամելու ֆունկցիան՝ առանց մեծ քանակի իմպլանտների տեղադրման:

  Ինչպե՞ս է կատարվում տեղադրումը

1. Ախտորոշում և պլանավորում – բժիշկը կատարում է հետազոտություն, ռենտգեն ախտորոշում և մոդելավորում
2. Իմպլանտների տեղադրում – 4 իմպլանտներ տեղադրվում են ծնոտի ոսկրի մեջ (երկուսը առջևում և երկուսը՝ կողային հատվածում՝ անկյան տակ, առավելագույն կայունության համար):
3. Ժամանակավոր պրոթեզի ամրացում – իմպլանտների ինտեգրման սկզբնական շրջանում տեղադրվում է ժամանակավոր պրոթեզ:
4. Մշտական ​​շապիկների տեղադրում – իմպլանտների ամբողջությամբ ինտեգրումից հետո (2․5-3 ամիս անց) ամրացվում է վերջնական ատամնաշարը։

4 իմպլանտների վրա ֆիքսված ատամնաշարի առավելությունները 

• Արագ վերականգնում – պրոթեզավորումը հնարավոր է կարճ ժամանակում:
• Հուսալի ֆիքսացիա – ատամանաշարը չի տեղաշարժվում ծամելիս կամ խոսելիս:
• Ծախսերի արդյունավետություն – համեմատած յուրաքանչյուր ատամի փոխարեն իմպլանտի տեղադրման հետ՝ այս մեթոդը թույլ է տալիս խնայել մեծ գումարներ, քանի որ օգտագործվում է 4 իմպլանտ:
• Երկարակեցություն – պատշաճ խնամքի դեպքում կունենանք երկարաժամկետ էֆեկտ:
• Նվազագույն տրավմատիզացիա – ընդամենը չորս իմպլանտների տեղադրումը նվազեցնում է ոսկրերի ծանրաբեռնվածությունը և արագացնում վերականգնումը:

  Անշարժ պրոթեզավորում 4 իմպլանտի վրա. արժեքները

  Իմպլանտների վրա պրոթեզի գինը պայմանավորված է մի քանի գործոններով.

• Օգտագործվող իմպլանտի տեսակ
• Շապիկների նյութ (մետաղական կերամիկա, ցիրկոնիում և այլն)
• Լրացուցիչ պրոցեդուրաների անհրաժեշտություն

Անշարժ ատամնաշար 6 իմպլանտների վրա

  Սա առաջադեմ լուծում է ատամնաշարը վերականգնելու համար հատկապես ադենտիա (բոլոր ատամների բացակայություն) ունեցող հիվանդների մոտ: Այս մեթոդը ենթադրում է ծնոտում 6 իմպլանտների տեղադրում, որոնք  ֆիքսված շապիկների համար ծառայում են որպես հուսալի հենարան։ Այս մոտեցումը ապահովում է կոնստրուկցիայի՝ շապիկների գերազանց ամրություն՝ վերացնելով շարժական պրոթեզների օգտագործման հետ կապված անհարմարությունները։ 6 իմպլանտների վրա ֆիքսված շապիկները վերականգնում են ոչ միայն ատամների ֆունկցիոնալությունը, այլև բնական տեսքը՝ օգնելով վերադառնալ լիարժեք ծամելուն ու ինքնավստահությանը։

  Այս մեթոդը հատկապես հարմար է նրանց համար, ովքեր ունեն բավարար ոսկրային հյուսվածք՝ համեմատած 4 իմպլանտների վրա իմպլանտացիայի հետ:
  Պրոֆեսիոնալ մասնագետները կօգնեն Ձեզ ընտրել լավագույն տարբերակը և ստանալ լավագույն արդյունք:

  Գրանցվեք խորհրդատվության՝ տեղեկանալու ատամների արագ վերականգնման նորագույն մեթոդների մասին և ձեռք բերելու Ձեր երազանքների ժպիտը: